Gay mense vervolg

Ek het toe uiteindelik die moed bymekaar geskraap om my man te vertel van sy meisiekind wat gay is. Eintlik het ek die hele ding mooi beplan, ek sou hom in n rustige ontspanne gemoeds stemming moes kry voordat ek die bom oor sy kop sou bars. Hy is anti gay. Ek het toe maar n romantiese naweek in Durban gereel vir my en hom en die kinders by my vriendin gelos, waar ek weet hulle veilig sou wees.
Ons het sommer gevlieg Durban toe en dit was vir hom n heel nuwe ondervinding omdat hy nog nooit gevlieg het nie. Die hele naweek weg was n verrassing vir hom, hy het niks daarvan geweet nie.
Nadat ons in Durban geland het is ons na n hotel op die strand. Ons het uitgepak en rustig geraak.
Eers die volgende aand terwyl ons rustig langs die strand afloop met net die branders se geruis in ons ore het ek besluit om vir hom te vertel.
Ek het my woorde versigtig gekies, ek wou hom nie skok nie. Eers het ek hom onkant gevang met n vraag. Wat sal vir hom die grootste skok in sy lewe wees?
Hy het so rukkie stil gebly en toe geantwoord. "Wanneer my Chroonse siekte weer aktief sou word" Sien dit is een van sy grootste vrese gewees. Ek het besef as ek hom nie nou dadelik se nie sou my moed my dalk begewe. "Jou meisiekind is gay" het ek dit sommer uit geblaker. Stilte.
Ek sal dit regmaak, het hy gese, en ek kon die verligting amper op sy gesig sien omdat dit nie my Kroonse siekte was wat weer kop uitgesteek het nie.
Dis net n fase waardeur sy gaan, het hy gese.
Ek kon nie glo dit het so goed afgeloop nie, ek kon nie glo hy was so rustig daaroor nie, ek het verwag dat hy sou ontplof en dat hy haar sou pak gee en dink hy kan dit so reg kry, maar toe skok hy my met sy rustige optrede.
Ons het huis toe gegaan na daardie naweek, en ek het gewag dat hy dit moes regmaak, dis nou n jaar later en nog niks het gebeur nie. Ek dink nie hy het dit aanvaar nie, maar vir sommige mense is dit n langer proses as vir ander om dinge te leer aanvaar. Dit het my ook n tydjie gevat maar ek het dit so aanvaar want dit bly nogsteeds my kind. Ek vra nie vir haar pa of hy dit al aanvaar het nie, want ek weet diep in my hart wat die antwoord sal wees.